रुकुम पश्चिम / गणेश चिन्तन

परम मित्र !
हाम्रो कर्मको धूमचक्रले
निर्माण गरेको बित्यासलाई
समयमामाथि
दोषारोपण गरेर उम्किने
अथवा
भव्य अभिनन्दन गरेर
श्रेयको खादा पैरिने
हाम्रो पथमार्गमा
उज्यालो बालेर
खोज्नुपर्दैनन
अब तिम्रो र मेरो
परिचित अनुहार ,

बरू , यसबेला
समीक्षाको गर्तबाट
सौरभ र सुगन्ध छर्ने
अर्को नयाँ दमनाको रूख
रोप्ने बेला आएको छ
अर्को नयाँ बैचारिकीको
कानन निर्माण गर्नुपर्नेछ
समय आएको छ
त्यसैले ,
यहाँ तिम्रो र मेरो सामुन्ने
एकातिर यामिनी
अर्कोतिर प्रभात देखिने
समय आएको छ ।।